Tembang-Tembang Mocopat

Esem

Wiwitana arinira kanthi esem
Istingarah bakal karya reseping urip
    Aja dumeh mung wujuding esem
    Sejatine esem iku mutiaraning jiwa
    Maduning rasa
Kalamun arinya kawiwitan kanthi esem
Bisa ambabar asrining rasa
Ngasrepi rasaning sasama
    Ananging...
    Osak- asiken isining esemira
    Rasanira rinasa asin apa asem
Esem kang asin satuhu mirasa
Minangka pangejawantahing asih trisna
Dene esem kang rinasa asem
Iku esemnya wong sugih usil
Rinasa eseng, nuwuhake usreg
    Asahana esemkang asem
    Tur datan mirasa isenana kanthi asah, asih lan asuh
    Ari tanpa esem
    Dak upamekna olah- olahan tanpa uyah
Mula...
Wiwitana uripira kanthi esem